الدني وقفة عزّ، وزحلة برهنت إنّو كرامة أهلها وعزّة نفسهن وإرادتهن ما بيِنْباعوا ولا بيِنشَروا!!!
أهلي بزحلة وقضائها، بتوجّه بالشكر لكل واحد فيكن احتكم لضميرو، ورفض يساوم عَ كرامتو، وصوّت صحّ!
ثقتكن وأصواتكن اللي عطيتوني اياهن، أمانة ما بتِتّمَّن رح إحميها بعيوني. وبعاهدكن، كل كلمة توجّهتلّكن فيها قبل الانتخابات هيّي عهد بيني وبينكن؛ ومتل ما بتعرفوني، عهدي عهد وكلمتي كلمة.
بشكركن من كل قلبي عَ محبّتكن الغالية يا أغلى الناس!

الإرادة الشعبية حِكْيِت، وحِكْيِت صحّ!!!