لانه العيد ما بيحده تاريخ ولا زمن ، ولان ولادة السيد المسيح تخطت كل الاعراف والازمنة وسبقت حتى التاريخ ، وانطلاقا من تعاليم طفل المغارة يلي دعانا حتى نزور المرضى " كنت مريضا فزرتموني " لبى شباب وصبايا حركة شباب الشرق النداء وقاموا بجولة على أقسام الاطفال بمستشفيات زحلة " تلشيحا ، خوري ، اللبناني الفرنسي " وزاروا الاطفال وقدمولن الهدايا واحتفلوا معن بالعيد ، بركي هيك بينسوا شوي وجعن وبترجع البسمة عا شفاهن .